Դերասանի վարպետության և ռեժիսուրայի ամբիոն

Դերասանի վարպետության և ռեժիսուրայի ամբիոնը ստեղծվել է ինստիտուտի կազմավորման օրից և առ այսօր ինստիտուտի առաջատար մասնագիտական ամբիոնն է: Նրա նպատակը եղել և մնում է ուսանողի մասնագիտական ուսուցման բազմակողմանի կազմակերպումն ու զարգացումը:

Ամբիոնի հիմնադիր դասախոսներն են եղել պրոֆեսորներ Վավիկ Վարդանյանը, Վարդան Աճեմյանը, Արմեն Գուլակյանը, Լևոն Քալանթարը, Տիգրան Շամիրխանյանը, Մուրադ Կոստանյանը, Թաթիկ Սարյանը և այլք:
Ամբիոնի աշխատանքային ծրագրում այսօր էլ մեծ կարևորություն է տրվում գործնական ուսուցումը տեսական իմացությամբ ամրագրելու սկզբունքին:

Բեմական խոսքի սեկցիա (սեկցիայի վարիչ պրոֆեսոր ԱՀեքեքյան

Բեմական խոսք առարկան դերասանի և ռեժիսորի կրթման գործում ամենակարևոր օղակներից մեկն է: Սեկցիան իր մշակած ծրագրերի և անհատական մոտեցումների շնորհիվ մեծապես նպաստում է բուհն ավարտող դերասանների, դրամատիկական թատրոնի ռեժիսորների, հեռուստատեսային և կինոռեժիսորների բեմական խոսքի տեսական և գործնական գիտելիքների ու հմտությունների ձևավորմանը: Ինստիտուտի հիմնադրման օրից բեմական խոսքի դասավանդման համար հրավիրվել են մեծանուն ռեժիսորներ, դերասաններ, ասմունքողներ, մանկավարժներ՝ Լևոն Քալանթարը, Հայկուհի Գարագաշը, Սուրեն Արևշատյանը, Ռուզան Վարդանյանը, Ալեքսանդր Ադամյանը, Սիրվարդ Մեսրոպյանը, Էլզա Գյուլեսերյանը,  Անահիտ Ղազարյանը, Հեղինե Հովհաննիսյանը, Մետաքսյա Սիմոնյանը, Հրաչուհի Ջինանյանը և այլք: Ամբիոնի վարիչն է ՀՀ արվեստի վաստակավոր գործիչ, պրոֆեսոր Ռուբեն Բաբայանը: